एमाले महासचिव पोखरेलले खोलिदिए प्रचण्डको फितलो योजना

नेपालगञ्ज । एमालेका महासचिव शंकर पोखरेलले पुष्पकमल दाहाल ‘प्रचण्ड’लाई प्रधानमन्त्रीबाट हट्नुपर्दाको पीडा र छटपटी रहेको बताएका छन् ।

मंगलबार नेपालगञ्जमा आयोजित कार्यक्रममा पोखरेलले प्रचण्ड फेरि पनि प्रधानमन्त्री बन्छु भन्दै हिँडेको बताए ।

उनले भने, ‘अझै अब म नै प्रधानमन्त्री बन्छु भन्दै प्रचण्ड मजाक गर्दै हिँड्नु भएको छ ।’

यसरी कमजोर पार्टीले बलिया शक्तिमाथि शासन गर्न खोजेकाले नेपाली कांग्रेससँग सत्ता सहकार्य गर्नु परेको एमालेका महासचिव पोखरेलले बताए ।

माओवादीका अध्यक्ष दाहालले सरकारविरुद्ध जथाभावी अभिव्यक्ति दिँदै आएका छन् । दाहालले एमालेका अध्यक्ष समेत रहेका प्रधानमन्त्री केपी ओलीमाथि निकै तल्लोस्तरको अभिव्यक्ति दिइरहेका छन् ।
ओलीमाथि दाहालको अभिव्यक्ति आइरहेका बेला एमालेका महासचिव पोखरेलले बचाउमा बोलेका छन् ।

Published : Tuesday, 2024 December 31, 6:23 pm