लुम्बिनी । विश्व शान्तिको कामना गर्दै लम्बिनीमा दीप प्रज्वलन तथा पूजा गरिएको छ ।

शनिबार लुम्बिनीमा प्रसिद्ध बौद्ध धर्मगुरू क्याबगोंगमा शाक्य त्रिचेन रिन्पोछेले मायाँदेवी मन्दिरमा दीप प्रज्वलन गरि विश्व शान्तिको कामना गरेका हुन् ।

दीप प्रज्वलन पश्चात् भएको कार्यक्रममा बोल्दै रिन्पोछेले लुम्बिनीबाट विश्वशान्तिको प्रयास गर्नुपर्ने बताए ।

रिन्पोछेलाई लुम्बिनी विकास कोषका उपाध्यक्ष संविधानसभा सदस्य डा.ल्हारक्याल लामा (खेन्पो छिमे छिरिङ) ले भगवान बुद्वको जन्मस्थलमा स्वागत गर्न पाएकोमा खुशी व्यक्त गरेका छन् ।

डा.लामाले भगवान बुद्धको जन्मस्थल लुम्बिनी, बुद्धत्व प्राप्त गरेको स्थान बोधगया, सर्वप्रथम धर्मदेशना गरेको स्थान सारनाथ र महापरिनिर्वाण भएको स्थान कुसीनगरलाई महत्वपूर्ण स्थान बताए । उनले जीवनमा एकपटक सबैले लुम्बिनी आउनुपर्ने बताए ।

लुम्बिनी विकास कोषका कोषाध्यक्ष ढुण्डिराज भट्टराईले लुम्बिनीमा धर्मगुरूले आउनु सुखद् कुरा भएको बताए । लुम्बिनी साँस्कृतिक नगरपालिका उपप्रमुख कल्पना हरिजनले लुम्बिनीमा कोरोनाका कारण रोकिएको पूजा पुनः सञ्चालन भएकोमा खुसी व्यक्त गरिन् ।

रिपोन्छेलाई लुम्बिनी विकास कोषका सदस्यलसचिव सानुराजा शाक्य र कार्यकारीणी सदस्य श्याम रोक्काले स्वागत गरेका थिए । शाक्य मोन्लम पूजाको पूर्वसन्धयामा विश्वशान्तिको कामना सहित दीप्रज्जवल गरिएको कार्यकारिणी सदस्य श्याम रोककाले जानकारी दिएका छन् । शाक्यमोन्लम पूजा आइतबार बिहान उदघाटन गरेका हुन् ।