सीआईबीद्वारा ठूलो गिरोहको कार्यालयमा छापा, ५३ जना पक्राउ

काठमाडौं । नेपाल प्रहरीको केन्द्रीय अनुसन्धान व्यूरो (सीआईबी)ले ललितपुरको सातदोबाटोमा सञ्चालित कल सेन्टरमा छापा मारेर ५३ जनाको गिरोहलाई पक्राउ गरेको छ ।

प्रहरी टोलीले सोमबार राति प्रोलिङ्क सोलुसन नाम गरेको कल सेन्टरमा छापा मारेर ५३ जनालाई पक्राउ गरेको सीआईबीका प्रमुख, प्रहरी अतिरिक्त महानिरीक्षक (एआईजीपी) दीपक थापाले बताए ।

पक्राउ परेकामध्ये केही भारतीय नागरिक छन् । अन्य नेपाली रहेको एआईजीपी थापाले बताए ।

उनीहरूको साथबाट व्यूरोको टोलीले ८५ वटा ल्याप्टप र मोबाइललगायत सामग्री प्रहरीले बरामद गरेको छ ।

उनीहरूको साथबाट ८५ वटा ल्याप्टपका साथै ८२ वटा मोबाइल बरामद भएको एआईजीपी थापाले बताए ।

पक्राउ परेका व्यक्तिहरूले सातदोबाटोमा कल सेन्टर चलाएर अनलाइन जुवा लगायत अवैध गतिविधि गरिरहेको प्रारम्भीक अनुसन्धानबाट खुलेको छ ।

Published : Tuesday, 2025 January 7, 10:49 am