काठमाडौं । नेपाली कांग्रेसका सभापति एवम् पूर्वप्रधानमन्त्री शेरबहादुर देउवाले प्रतिनिधि सभाकी सांसद रमा कोइरालाका पति ईश्वर शर्मा पौड्यालको निधनप्रति गहिरो दुःख व्यक्त गरेका छन् ।

बिहीबार कांग्रेस केन्द्रीय कार्यालय मुख्य सचिव कृष्णप्रसाद पौडेलले शोक वक्तव्य जारी गरेर अधिवक्ता समेत रहेका पौड्यालको निधनप्रति सभापति देउाले गहिरो दुःख व्यक्त गरेको जनाएका छन् ।

सभापति देउवाले भनेका छन्, ‘ईश्वर शर्मा पौड्यालको निधनप्रति गहिरो दुःख व्यक्त गर्दछु । उहाँप्रति भावपूर्ण श्रद्धाञ्जलि अर्पण गर्दै आत्माको चीर शान्तिको कामना साथ शोक सन्तप्त परिवारजनप्रति पार्टी र आफ्नो तर्फबाट गहिरो समवेदना प्रकट गर्दछु ।’

कांग्रेसकी केन्द्रीय सदस्य एवम् प्रतिनिधि सभाकी सांसद रमा कोइरालाका पति ईश्वर शर्मा पौड्यालको पुस १७ गते भक्तपुरमा क्यान्सर रोगको उपचारका क्रममा निधन भएको थियो ।

विक्रम संवत् २००६ चैत २७ गते संखुवासभाको चैनपुरमा जन्मिएका पौड्यालको निधनप्रति कांग्रेस केन्द्रीय कार्यालयले पनि गहिरो दुःख र शोक व्यक्त गरेको छ ।