सभापति देउवा राप्रपाको चियापान कार्यक्रममा सहभागी, अध्यक्ष लिङ्देनद्वारा स्वागत

काठमाडौं । नेपाली कांग्रेसका सभापति एवम् पूर्वप्रधानमन्त्री शेरबहादुर देउवा राष्ट्रिय प्रजातन्त्र पार्टी (राप्रपा)को चियापान कार्यक्रममा सहभागी भएका छन् ।

शनिबार काठमाडौंको भृकुटीमण्डपमा राप्रपाले पृथ्वी जयन्ती तथा राष्ट्रिय एकता दिवसको अवसरमा शुभकामना आदान प्रदानका लागि राखेको चियापान कार्यक्रम सभापति देउवा सहभागी भएर शुभकामना दिएका हुन् ।

सभापति देउवाले कार्यक्रममा राखिएको पृथ्वीनारायण शाहको तस्बिरमा माल्यार्णपण पनि गरेका छन् । राप्रपाले चियापान कार्यक्रममा आफूलाई पनि निम्तो दिएर बोलाएकोमा सभापति देउवाले राप्रपा अध्यक्ष राजेन्द्र लिङ्देनलाई धन्यवाद दिएका छन् ।

चियापान कार्यक्रममा आएका सभापति देउवालाई राप्रपा अध्यक्ष लिङ्देनसहितका नेताहरूले स्वागत गरेका थिए ।