देवदहमा कमला सेनको हत्या, रुद्रबहादुर पक्राउ

भैरहवा । आफ्नै श्रीमती ४० वर्षीया कमला सेन खड्काको हत्या गरेको अभियोगमा ४६ वर्षीय रूद्र बहादुर खड्कालाई प्रहरीले पक्राउ गरेको छ ।

रुपन्देहीको देवदह नगरपालिका–८ टटेरा बस्ने रूद्रबहादुर खड्काले कमला सेन खड्कालाई हत्या गरेको अभियोगमा शुक्रबार राति पक्राउ गरेको प्रहरीद्वारा जारी विज्ञप्तिमा उल्लेख छ ।

घरायसी विषयमा झै–झगडाको क्रममा रूद्रबहादुर खड्काले धारिलो हतियार चक्कु प्रहार गर्दा कमला सेन खड्का गम्भीर घाइते भएकी थिइन् ।

कमला सेन खड्कालाई सांघातिक हमला भएको खबर प्राप्त हुनासाथ प्रहरी चौकी खैरेनीबाट खटिएको प्रहरीले रुद्रबहदाुर खड्कालाई पक्राउ गरेको थियो ।

गम्भीर घाइते भएकी कमला सेन खड्काको देवदह मेडिकल कलेज भलुहीमा उपचारको क्रममा मृत्यु भएको प्रहरीले जनाएको छ ।

Published : Saturday, 2025 January 11, 8:28 pm