काठमाडौं । पूर्वराजा ज्ञानेन्द्र शाहका समर्थकहरूको तीनकुनेको आन्दोलनमा ऐक्यवद्धता जनाउने दुई दर्जन व्यक्तिहरूलाई पनि कारबाही गर्न माग उठेको छ ।

पूर्वराजा ज्ञानेन्द्र शाहका समर्थकले शुक्रबार काठमाडौंको तीनकुनेमा गरेको प्रदर्शन हिंसात्मक, अराजक र उत्तेजक बनेको थियो । आन्दोलनकारीलाई उत्तेजित बनाएर आन्दोलनका कमाण्डर दुर्गा प्रसाईं फरार भएका थिए । प्रसाईंले गाडी आफै हुइँक्याएर प्रहरीमाथि चढाउन खोजेका थिए । त्यसपछि प्रसाईंको गतिविधि र अभिव्यक्तिले प्रदर्शनकारी उत्तेजित बनेर निजी तथा सरकार सम्पत्तिमाथि आक्रमण गर्दै आगजनी गरेका छन् । उनीहरूका कारण दुई जनाको ज्यान गएको छ ।

ज्ञानेन्द्र शाहको आन्दोलनमा ऐक्यवद्धता जनाउने एभिन्युज टेलिभिजनका मालिक भाष्करराज राजकर्णिकारकै टेलिभिजनका क्यामरा पर्सनलाई आन्दोलनकारीले कोठाभित्र थुनेर बाहिरबाट आगो लगाइदिएर हत्या गरेका छन् ।

ज्ञानेन्द्र शाहका समर्थकहरूको आन्दोलनमा ऐक्यवद्धता जनाउनुभन्दा अगाडि उनीहरूको बैठक बसेको छ । अधिवक्ता समेत रहेका आन्दोलन समितिका सदस्य स्वागत नेपालले बैठकको भिडियो र हस्ताक्षर बिनाको विज्ञप्ति पनि सार्वजनिक गरेका छन् । स्वागत नेपाललाई हिंसात्मक प्रदर्शनको नेतृत्व गरेको भनेर पक्राउ गरिसकेको छ ।

ज्ञानेन्द्रका समर्थकहरूको आन्दोलनमा ऐक्यवद्धता जनाउनेहरूमा भाष्करराज राजकर्णिकार (एभिन्युज टेलिभिजनका मालिक), भवानी राणा (उद्योग वाणिज्य महासंघकी पूर्वअध्यक्ष), विनोदबहादुर श्रेष्ठ (व्यापारी), राजाराज गिरी, दीपक गिरी (अभिनेता), युवराज घिमिरे (पत्रकार), कुशकुमार जोशी (व्यापारी), मनीषा कोइराला (अभिनेत्री), अनिल जोशी (व्यापारी), किशोर थापा रहेका छन् ।

भीम उदास, डा.उत्तमकृष्ण श्रेष्ठ, किशोर प्रधान, दिरेकलाल श्रेष्ठ (नेपाल समाचार पत्र दैनिकका मालिक), निर्मलराज पौडेल, श्याम कँडेल, टीकाराम यात्री (पत्रकार), दुर्गाबहादुर थापा, जेसन वैद्य, यज्ञराज अधिकारी पनि ज्ञानेन्द्र शाहका समर्थकको आन्दोलनमा ऐक्यवद्धता जनाउनेहरू हुन् ।

ए.जी. शेर्पा, सर्वेन्द्र खनाल (पूर्वप्रहरी महानिरीक्षक), सुरेन्द्रवीर मालाकार (व्यापारी), मधुसुदन थापा, जीवराम भण्डारी (पत्रकार), ध्रुवनारायण श्रेष्ठ, दिनेश श्रेष्ठ, विक्रम पाण्डे, डा.गोपाल तिवारी, आशिष शेरचन (राजधानी दैनिक पत्रिकाका मालिक), स्वागत नेपाल (अधिवक्ता) पनि ऐक्यवद्धता जनाउनेमा पर्छन् ।