ज्ञानेन्द्र कहिल्यै पनि संवैधानिक राजा बन्ने छैनन् : सभापति देउवा

काठमाडौं । नेपाली कांग्रेसका सभापति शेरबहादुर देउवाले अहिले देश एकढिक्का भएको बताउँदै कसैले चाहेर गणतन्त्र हट्न नसक्ने उल्लेख गरेका छन् ।

शनिबार लुम्बिनीमा नेपाल लेखक संघको अधिवेशनलाई उद्घाटनपछि सम्बोधन गर्दै देउवाले पूर्वराजा ज्ञानेन्द्र शाह संवैधानिक राजा बन्न नसक्ने बताए ।

उनले भने, ‘हिजोको घटना जो काठमाडौंमा भयो, जसरी पूर्वराजाको नाममा हुलहुज्जत भयो । अराजक तरिकाले धेरै घटना भयो । स्पष्ट भन्नुपर्ने हुन्छ ।’

सभापति देउवाले भने, ‘यी पूर्वराजा ज्ञानेन्द्र अहिले यस्तो गर्छन् भने राजा भए के गर्लान् ? यिनी कहिल्यै पनि संवैधानिक राजा बनेका पनि छैनन् । बन्ने पनि छैनन् ।’

‘त्यसकारण गणतन्त्रलाई कसैले चाहेर हटाउने पनि छैन । देश एक छ’, सभापति देउवाले भने, ‘अहिले देशको परिस्थिति यस्तो भएर मैले यहाँ भन्नुपरेको हो ।’

Published : Saturday, 2025 March 29, 4:40 pm