ज्ञानेन्द्र शाहका मतियारहरूले हिंसा गरेको स्थानबाट युवा संघको मोटरसाइकल र्‍याली

काठमाडौं । एमालेले पूर्वराजा ज्ञानेन्द्र शाह निर्देशनमा सडकमा उत्रिएका मतियारहरूको गतिविधिविरुद्ध काठमाडौंमा मोटरसाइकल र्‍यालीसहित प्रदर्शन गरेको छ ।

सोमबार काठमाडौंको तीनकुनेमा एमालेको भ्रातृ संगठन युवा संघको अगुवाइमा एमालेले काठमाडौंको तीनकुनेबाट मोटरसाइकल र्‍याली आयोजना गरेको हो ।

मोटरसाइकल र्‍यालीका सहभागीहरूले गणतन्त्र जिन्दावाद, प्रतिगमन मुर्दावाद, हिंसा, हत्या र लुटपाट मुर्दावाद, जन्मसिद्ध श्रेष्ठता अस्वीकार छैन, दास र रैती बन्न मन्जुर छैन लगायतका नारा लगाएका थिए ।

पूर्वराजा ज्ञानेन्द्र शाहको निर्देशनमा उनका मतियारहरूले हिंसात्मक प्रदर्शन गरेको स्थान तीनकुनेबाट युवा संघले मोटरसाइकल र्‍याली निकालेको थियो ।

Published : Monday, 2025 March 31, 8:49 pm

फेसबुकबाट तपाईको प्रतिक्रिया