काठमाडौं । सहकारी ठगका अभियुक्त राष्ट्रिय स्वतन्त्र पार्टी (रास्वपा)का सभापति रवि लामिछानेले धमिलो पानीमा माछामार्ने प्रयास शुरु गरेका छन् ।

पूर्वराजा ज्ञानेन्द्र शाहका समर्थकहरूले तीनकुने क्षेत्रमा हिंसा मच्चाएको तेस्रो दिन सभापति लामिछाने सार्वजनिक भएका छन् । लामिछाने सार्वजनिक मात्रै भएका छैनन् उनले ठूला राजनीतिक दलहरूलाई गाली गरेका छन् ।

सोमबार पार्टी केन्द्रीय कार्यालय बालाजुमा कार्यकर्ताहरूलाई सम्बोधन गर्दै मनभित्रको भडास पोखेका छन् । उनले अदालतमा एकै दिन तारिख लिनुपर्दाको पीडा पोखेका थिए ।

सहकारीको करोडौं रकम अपचलन, ठगी गरेको अभियोगमा लामो समय हिरासतमा बसेर लामिछाने बाहिरिएका छन् । सहकारी ठगीमा उनको मुद्दा विभिन्न जिल्लाका अदालतहरूमा चलिरहेका छन् । उनले अदालतमा मुद्दा खेप्नुपर्दाको पीडा पनि पोखेका छन् ।

सहकारीको ठगी गरेको रकम तिर्नेभन्दा पनि सरकारमा रहेका दल र ठूला दलहरूविरुद्ध आक्रोश पोखेका छन् । उनले आफ्नो पीडा पोखेका हुन् । लामिछानेले आफूलाई पनि सरकारविरुद्ध आक्रामक बनाउने योजना बनाएका छन् ।