काठमाडौं । पूर्वराजा ज्ञानेन्द्र शाहका मुख्य मतियार दुर्गा प्रसाईंको हिंसात्मक आन्दोनमा रहेर आगजनी, तोडफोड, लुटपाट लगायका गतिविधि गर्नेहरूलाई पक्राउ गरेको छ ।

प्रहरीले काठमाडौंको तीनकुने घटनामा संलग्न रहेको अभियोगमा थप २४ जना धुन्दुकारीहरूलाई पक्राउ गरेको हो । चैत्र १५ गतेको तीनकुनेमा आयोजिक ज्ञानेन्द्र शाहका समर्थकको हिंसात्मक प्रदर्शन, अराजक गतिविधि र तोडफोडमा संलग्न भएको आरोपमा थप २४ जनालाई पक्राउ गरिएको जिल्ला प्रहरी परिसर काठमाडौंका प्रवक्ता एवं प्रहरी उपरीक्षक अपीलराज बोहराले बताएका छन् ।

पूर्वराजा ज्ञानेन्द्र शाहका समर्थकहरूलाई काठमाडौंका विभिन्न स्थानबाट पक्राउ गरिएको प्रहरीले जनाएको छ ।

पक्राउ पर्नेमा काठमाडौंका कुमार बस्नेत, सुनसरीका अनिलकुमार थापा, झापाका तारानाथ दाहाल, दानबहादुर न्यौपाने, उमेश तामाङ, भानुभक्त पौडेल, देवीप्रसाद संग्रौला, ललितपुरका विष्णुजंग बस्नेत, काठमाडौंका लोकबहादुर बस्नेत छन् ।

सिन्धुपाल्चोकका सरिता के.सी., झापाका देवी राई, भारतीय नागरिक रवि रञ्जनकुमार सिंह, धनुषाका आशिककुमार महतो, सर्लाहीका प्रेमकुमार सिंह, सिरहाका राधेश्याम यादव, सप्तरीका बरुण यादव, सर्लाहीका गोविन्द राय र सिन्धुपाल्चोकका दिनेश खड्का रहेका छन् ।

पक्राउ परेका ८ जनालाई राज्यविरुद्धको कसूर संगठित अपराध र बाँकी १० जनालाई उपद्रव कसूरमा मुद्दा अघि बढाइएको परिसरका पवक्ता बोहोराले बताए ।