रामपुर प्रहरीका ईन्स्पेक्टर नेपालीद्वारा द फेमस महेन्द्र दल गणका सेनानी चौधरीलाई स्वागत

काठमाडौं । इलाका प्रहरी कार्यालय, रामपुर, पाल्पाका प्रहरी प्रमुख (ईन्स्पेक्टर) रामबहादुर नेपालीले नेपाली सेनाको द फेमस महेन्द्र दल गण, रामपुर, पाल्पाका प्रमुख गुल्मपति सेनानी साटुराम चौधरीलाई स्वागत गरेका छन् ।

चैत २० गते इलाका प्रहरी कार्यालय रामपुरमा आएका सेनानी चौधरीलाई ईन्स्पेक्टर नेपालीले स्वागत गरेका हुन् । सो क्रममा रामपुर क्षेत्रको शान्ति सुरक्षा र बस्तुस्थितिका विषयमा छलफल भएको थियो ।

सेनानी चौधरी र ईन्स्पेक्टर नेपाली तथा इलाका प्रहरी कार्यालय रामपुरका प्रहरी कर्मचारीहरूबीच परिचयात्मक कार्यक्रम समेत भएको छ ।

सेनानी चौधरी द फेमस महेन्द्र दल गण, रापुरमा हालै सरुवा भएर नेतृत्व सम्हाल्न आएका छन् । संयोग नै मान्नुपर्छ ईन्स्पेक्टर नेपाली र सेनानी चौधरी दाङ जिल्ला निवासी हुन् ।