बुटवलमा युवतीमाथि गोली प्रहार, अवस्था गम्भीर

बुटवल । रुपन्देही जिल्लामा टीका विष्ट नाम गरेकी युवतीमाथि गोली प्रहार भएको छ ।

शनिबार बिहान साढे ९ बजेतिर बुटवल उप–महानगर वडा नं. ११ बुद्धनगरमा टीकालाई गोली प्रहार भएको प्रहरीले जनाएको छ ।

पाल्पाको रैनादेवी छहरा घर भएकी टीका हाल बुटवलको बुद्धनगरमा बस्दै आएकी थिइन् । टीकालाई कम्मरभन्दा माथि गोली लागेको छ । टीकाको अवस्था गम्भीर बनेको छ ।

टीकालाई लुम्बिनी प्रादेशिक अस्पतालमा उपचारका लागि लगिएको इलाका प्रहरी कार्यालय बुटवलका प्रमुख प्रहरी नायव उपरीक्षक ईन्द्रबहादुर रानाले बताए । गोली किन र कसले हानेको भन्नेबारे अनुसन्धान भइरहेको प्रहरीले जनाएको छ ।

Published : Saturday, 2025 April 19, 11:09 am