तरुण अध्यक्ष गुरुङद्वारा एनपीएल विजेता जनकपुर बोल्टसलाई बधाई

काठमाडौं । नेपाल तरुण दलका अध्यक्ष विद्वान गुरुङले नेपाल प्रिमियर लिग (एनपीएल)को विजेता जनकपुर बोल्ट्सलाई बधाई दिएका छन् ।

शनिबार कीर्तिपुरमा सम्पन्न एनपीएलको फाइनलमा सुदूरपश्चिम रोयल्सलाई हराउँदै जनकपुर बोल्टसले जित हातपारेकोमा गुरुङले बधाई दिएका हुन् ।

उनले भने, ‘खेलमा कसैको हार कसैको जित हुनु स्वभाविक कुरा हो । सबैभन्दा महत्वपूर्ण कुरा नेपालमा एनपीएल आयोजना हुनुनै गौरवको विषय बनेको छ ।’

‘अबको यात्रा नेपाल टेष्ट राष्ट्रको रुपमा परिचित हुनु छ’, तरुण अध्यक्ष गुरुङले भने, ‘बिजेता र उपबिजेता टिमको सम्पूर्ण खेलाडी, प्रशिक्षक र आयोजकलाई बधाई एवं हार्दिक शुभकामना व्यक्त गर्दछु ।’

Published : Saturday, 2024 December 21, 10:09 pm