फरार रहेका गोरखाका २१ वर्षीय ढकाल पक्राउ

काठमाडौं । मानव बेचबिखन तथा ओसारपसार मुद्दाका फरार प्रतिवादी गोरखाका २१ वर्षीय निरज ढकाललाई प्रहरीले पक्राउ गरेको छ ।

गोरखा नगरपालिका–११ घर भएका ढकाललाई मंगलबार प्रहरीले पक्राउ गरेको विज्ञप्तिमार्फत जनाएको छ ।

जिल्ला अदालत काठमाडौंको गत मंसिर ५ गतेको फैसलाले उक्त मुद्दामा ५ वर्ष कैद सजाय र नगद २५ हजार रूपियाँ जरिवाना ठहर गरेको थियो ।

कैद र जरिवाना भएपछि ढकाल फरार रहेका थिए । उनलाई मानव बेचबिखन ब्यूरो बबरमहलबाट खटिएको प्रहरीले जिल्ला प्रहरी कार्यालय गोरखासँगको समन्वयमा गोरखा नगरपालिका–११ बाट पक्राउ गरेको हो ।

उनलाई फैसला कार्यान्वयनको लागि जिल्ला अदालत काठमाडौंमा पेश गरिएको छ । उनलाई अदालतको आदेशले कैद भुक्तानको लागि कारागार कार्यालय डिल्लीबजार पठाइएको छ ।

Published : Wednesday, 2025 April 9, 7:48 pm