कांग्रेसले बोलायो कार्यसमिति बैठक, नेविसंघबारे फैसला हुने
काठमाडौं । मुलुकको पछिल्लो राजनीतिक अवस्था र पार्टीको आन्तरिक विषयमा छलफल गर्न नेपाली कांग्रेसले केन्द्रीय कार्यसमितिको बैठक बोलाएको छ ।
नेपाली कांग्रेसद्वारा बिहीबार जारी विज्ञप्तिअनुसार कार्यसमितिको बैठक शनिबार दिउँसो २ बजे बस्नेछ । महासमितिको तयारीका विषयमा छलफल हुनेछ ।
साथै नेपाल विद्यार्थी संघ (नेविसंघ)को विवाद र महाधिवेशनका बारे पनि छलफल हुने नेताहरूले बताएका छन् ।
नेविसंघको वर्तमान कार्यसमितिको २ वर्षे कार्यकाल सकिएपछि मंसिर २ गतेसम्म महाधिवेशन गर्न समय दिइएको थियो । तर, आन्तरिक विवादले नेविसंघको महाधिवेशन हुन सकेको छैन ।
नेविसंघमा ३२ वर्षे उमेर हद लागू गरेपछि वरिष्ठ नेता रामचन्द्र पौडेल र नेता कृष्णप्रसाद सिटौला समूहले विरोध गरेर महाधिवेशन गर्न आनाकानी गरिरहेको छ ।
यसमा तपाइको मत