नेविसंघको अध्यक्षमा करुणाले बाजी मारिन

धनकुटा । नेपाल विद्यार्थी संघ धनकुटा वहुमुखी क्याम्पस इकाई समितिको अध्यक्षमा करुणा कटुवाल निर्वाचित भएकी छिन ।

इकाई समितिका १२औँ अधिवेशनबाट कटुवालसहितको नयाँ कार्यसमिति निर्वाचित भएको हो ।

नेपाल विद्यार्थी संघले केन्द्रीय महाधिवेशन गर्नका लागि तल्लो तहबाट अधिवेशन गर्न शुरु गरेको छ ।

नेविसंघको इकाई र जिल्ला अध्यक्षहरूमा महिलाहरूको खडेरी भैरहेका बेला करुणाले ठूलो सन्देश दिएकी छिन ।

करुणा अध्यक्षमा विजयी भएपछि देशभरिका नेविसंघका नेता तथा कार्यकर्तामा उत्साह थपिएको छ ।

नेविसंघको विवादपछि महाधिवेशन प्रभावित भएको थियो ।

नेपाली कांग्रेसको नेतृत्वले केन्द्रीय महाधिवेशन गर्न कडा निर्देशन दिएपछि अध्यक्ष नैनसिंह महरले जिल्ला, क्षेत्र, गाउँ र इकाई अधिवेशनहरू धमाधम गराउँदै आएका छन ।

Published : Saturday, 2018 December 29, 9:52 pm