काठमाडौं । प्रमुख विपक्षी दल नेपाली कांग्रेसले टीकापुर हत्याकाण्डका प्रमुख दोषी रेशमलाल चौधरीको सपथ ग्रहरण कार्यक्रम बहिस्कार गरेको छ ।

सिंहदरबारस्थित संसद सचिवालयमा बिहीबार भएको सपथ कार्यक्रममा नेपाली कांग्रेसका कुनै पनि नेता र सांसद उपस्थित भएनन् । नेपाली कांग्रेसकी मुख्य सचेतक पुष्पा भुसालले कार्यक्रम जुधेकाले आफू सपथको कार्यक्रममा सहभागी नभएको बताइन् ।

सपथ कार्यक्रममा सत्तारुढ दल नेपाल कम्युनिस्ट पार्टी (नेकपा)का संसदीय दलका नेता सुवासचन्द्र नेम्बाङ र मुख्य सचेतक देव गुरुङ तथा राजपा नेपालका सांसद एवम् नेताहरुको मात्रै सहभागिता रहेको थियो ।

नेपाली कांग्रेसले संविधान र कानूनको खिलाप कम्युनिस्ट सरकारले गतिविधि गरेको भन्दै असन्तुष्टि जनाउन चौधरीको सपथ कार्यक्रम बहिष्कार गरेको जनाइएको छ ।

टीकापुरमा सुरक्षाकर्मीको सामूहिक हत्या भएको घटनामा रेशमलाल चौधरी मुख्य आरोपी रहेको भन्दै अदालतमा मुद्धा विचाराधीन छ ।

थुनामा रहेका रेशमलाला चौधरीलाई कम्युनिस्ट प्रधानमन्त्री खड्गप्रसाद ओलीको निर्देशनमा बिहीबार अपरान्ह तीन बजे सभामुख कृष्णबहादुर महराले सपथ गराएका हुन् ।

रेशमलाल चौधरीलाई सपथ गराइएकोमा सबैले आलोचना गरेका छन् । सामाजिक सञ्जालमा ओली सरकारको ठूलो आलोचना भएको छ ।

रेशमलाल चौधरीले सपथ लिएसँग गण्डकी प्रदेशका सांसद गुण्डा नाइके दीपक मनाङेलाई पनि सपथ लिने बाटो खुलेको छ । गुण्डा नाइके मनाङेले ज्यानमार्ने उद्योगमा सजाय पाएका थिए ।

सर्वोच्च अदालतको आदेशमा केही दिन अगाडि गुण्डा नाइके मनाङे रिहा भएका छन् । उनले सपथका लागि निवेदन दिनुका साथै कानूनी परामर्श र राजनीतिक दवाव दिँदै आएका छन् ।