नेपालका शिक्षित वर्गमाथि ‘रअ’को लगानी
काठमाडौं । बंगलादेशको अनलाइन मिडिया ‘दि रनर न्यूज डट नेट’ले नेपालका शिक्षित वर्गमाथि भारतीय गुप्तचर निकाय ‘रअ’ (रिसर्च एण्ड एनालिस्ट विंग)ले लगानी गरिरहेको दाबी गरेको छ ।
सो अनलाइन मिडियाले नेपाली पत्रकार मुकुन्द सुवेदीलाई उदृढ गर्दै सबैजसो पेशामा संलग्न नेपाली शिक्षित वर्गमाथि ‘रअ’ले लगानी गरेको उल्लेख गरेको छ ।
समाचारमा नेपालमा ‘रअ’को नेटवर्कबारे उल्लेख गर्दै शैक्षिक, सामाजिक र धार्मीक संस्थाहरू ‘रअ’का एजेन्टमार्फत सञ्चालन भएको दाबी गरिएको छ ।
नेपालमा रहेको हिन्दूहरूको मुख्य मन्दिर पशुपतिनाथदेखि अन्य महत्वपूर्ण मन्दिरमा रहेका पुजारीलाई समेत ‘रअ’ले चलाइरहेको दाबी गरिएको छ ।
पत्रकार सुवेदीलाई उदृत गर्दै अनलाइनले नेपाललाई ‘रअ’ले कन्ट्रोल गरिरहेको जनाएको छ ।
समाचारमा नेपालका मिडियादेखि शिक्षक, सुरक्षाकर्मी, सामाजिक कार्यकर्ता, गैरसरकारी संस्थादेखि सबैजसो राजनीतिज्ञलाई समेत ‘रअ’ले लगानी गरेको जनाइएको छ ।
समाचारमा पछिल्लो समय विभिन्न शीर्षकमा भारत सरकारले आफ्नो प्रभाव स्थापित गर्न खुल्ला रुपमै आर्थिक तथा अन्य सहयोग गरिरहेको जनाइएको छ ।
भारतीय सेनामा कार्यरत अवकासप्राप्त नेपालीहरूमार्फत पनि ‘रअ’ले नेपालबाट सूचना संकलनको काम गरिरहेको जनाएको छ ।
नेपालमा भारतीय गुप्तचर संस्था ‘रअ’ले राजनीतिक दलका नेताहरूमा भन्दा पनि मिडियामा लगानी गरेको आरोप छ । ‘रअ’ले ठूला र साना मिडियामा आफ्नो बर्चश्व बनाउँदै गएको छ ।
यसमा तपाइको मत