कांग्रेस नेता सिटौला अस्पतालबाट डिस्चार्ज, घरमै आराम गर्ने
काठमाडौं । नेपाली कांग्रेसका नेता कृष्णप्रसाद सिटौला उपचारपछि घर फर्किएका छन् ।
काठमाडौंको मण्डिखाटारस्थित ह्याम्स अस्पतालमा शुक्रबार साँझ भर्ना भएका सिटौला मंगलबार बिहान डिस्चार्ज भएका हुन् । उनको स्वास्थ्यमा सुधार भएपछि चिकित्सकहरूले डिस्चार्ज गरेको जनाएका छन् ।
नेता सिटौलाको दिशामा रगत समेत देखिएको थियो । आइसीयुमा राखेर उनको उपचार गरिएको थियो ।
सिटौलाको रगतमा हेमोग्लोबिनको मात्रा पनि कमी देखिएको थियो । त्यसपछि नेता सिटौलालाई रगत पनि दिइएको थियो । रक्तचाप पनि सामान्य रहेको चिकित्सकहरूले जनाएका छन् ।
कांग्रेस नेता सिटौलाको स्वास्थ्य अचानक बिग्रिएर अस्पताल भर्ना भएपछि शुभेच्छुक र कांग्रेसका नेता तथा कार्यकर्ता अस्पतालमा भेट्न पुगेका थिए ।
नेता सिटौलालाई केही दिन घरमै आराम गर्न चिकित्सकहरूले सल्लाह दिएका छन् । उनी केही दिन राजनीतिक कार्यक्रमहरूमा सहभागी हुने छैनन् ।
फेसबुकबाट तपाईको प्रतिक्रिया
बिचार/ब्लग
रविले क्लिन चिट पाउने प्रक्रिया बल्ल हिरासतबाट सुरु भयो
दिलनिशानी मगर
सरकारलाई कांग्रेसको ३४ बुँदे सुझाव तथा ध्यानाकर्षण
शेरबहादुर देउवा
यसमा तपाइको मत