घोराहीमा दुई महिलाको हत्या, चौघेरा बस्ने व्यक्ति पक्राउ
घोराही । दाङको घोराही उपमहानगरपालिका वडा नं.१० पहेलपारमा दुई महिलाको हत्या भएको छ ।
शनिबार दिउँसो ५० वर्षीया जुतली बुढा र ४४ वर्षीया संगीता सुनारको हत्या भएको अवस्थामा शव फेला परेको जिल्ला प्रहरी कार्यालय दाङका प्रहरी प्रमुख (एसपी) रामबहादुर केसीले बताएका छन् ।
उनीहरूलाई बञ्चरो, कोदालो प्रहार गरी हत्या भएको एसपी केसीले बताए । हत्याको आरोपमा रोल्पाका ५८ वर्षीय टेकबहादुर घर्ती पक्राउ परेका छन् ।
घर्ती पेसाले अटो चालक हुन् । चालक घर्ती घोराही उपमहानगरपालिकको वडा नं. १६ चौघेरामा कोठा भाडामा बस्दै आएका थिए ।
हत्या भएका ती दुई महिला कोठा भाडा बस्दै आएका थिए । घरमा कोही नभएको मौका छोपी महिलाहरूको हत्या भएको एसपी केसीले बताएका छन् ।
संगीता सुनारको स्थायी ठेगाना सुर्खेतमा पर्छ । जुतली बुढाको स्थायी ठेगाना रूकुम जिल्लामा रहेको खुलेको छ ।
Published : Saturday, 2024 May 11, 7:19 pm
बिचार/ब्लग
पीएल सिंहसँगको संस्मरण
पूर्वमन्त्री जयप्रकाशप्रसाद गुप्ता ‘आनन्द’
फेसबुकबाट तपाईको प्रतिक्रिया