गृहमन्त्रीज्यू राजीनामा मागेको होइन, सहकारी ठगलाई कारबाही गरौँ भनेको हो : तरुण अध्यक्ष गुरुङ
![](https://i0.wp.com/www.republicadainik.com/wp-content/uploads/2024/05/Bidwan-Gurung.jpg?resize=810%2C421&ssl=1)
काठमाडौं । नेपाल तरुण दलका अध्यक्ष विद्वान गुरुङले सहकारीका ठगहरूलाई कारबाही र सहकारीपीडितहरूलाई न्यायको माग गरेका छन् ।
मंगलबार काठमाडौंको रत्नपार्कस्थित शान्तिबाटिकामा नेपाल महिला संघले सहकारी ठगका आरोपी गृहमन्त्री रवि लामिछानेविरुद्ध आयोजना गरेको प्रदर्शनलाई सम्बोधन गर्दै गुरुङले सहकारीपीडितलाई न्याय दिन उनीहरूको रकम फिर्ता गर्नुपर्ने बताए । उनले मुलुकको आर्थिक अवस्थाले गर्दा समस्यामा रहेका गरिव जनताहरूलाई सहकारीका ठगहरूले झन् दुःख दिएको बताए ।
उनले भने, ‘पसलमा जाँदा ग्राहकहरू छैनन् । यो देशका व्यापारी, मजदुरहरू सडकमा छन् । नेपाल संसारका मुलुकहरूभन्दा यो भिन्दै मुलुक हो ।’
‘सीमित नेपालीहरूको बैंक लगायत विभिन्न सेक्टरमा पहुँच होला । नेपालका खुद्रा पसलेहरू । मजदुर, किसानहरूको बैंक सेक्टर छैन । नेपालका विभिन्न शहर, साना शहरहरूमा खोलिएका पसलहरूमा सहकारीहरू छन् । जहाँ नेपालीहरूको आफ्नो धितो राख्ने जग्गाहरू छैन । त्यहि सहकारीमार्फत यो मुलुक । र, मुलुकका किसानको निक्षेप छ’, उनले भने ।
‘सहकारी मात्रै डुबेको छैन । ती निमुखा जनता डुबेका छन् । गृहमन्त्रीज्यू तपाईको राजीनामा मागेका छैनौँ’, अध्यक्ष गुरुङले भने, ‘तपाई गृहमन्त्री खानुस् । यदि पुष्पकमल दाहालले मान्नु हुन्छ भने प्रधानमन्त्री पनि खानुस् ।’
गुरुङले भने, ‘हाम्रो माग भनेको के हो भने मजदुर, किसान र साना व्यापारीहरूको सपनाहरू चुडिएको छ । आफ्ना छोराछोरीहरू पढाउन र विवाह गर्न जम्मा गरेको रकम ती ठगहरूले खाइदिएका छन् ।’
‘गृहमन्त्रीजी तपाईले भन्नुभयो, आकाशमा भए पनि, पातालमा भए पनि म जीबी राईलाई ल्याउनेछु । गृहमन्त्रीज्यू आकाशमा होइन पातालमा होइन । जीबी राई मलेसियामा छन् । गएर ल्याएर आउनुस्’, अध्यक्ष गुरुङले भनेका छन् ।
उनल भने, ‘गृहमन्त्रीज्यू तपाईलाई हाम्रो प्रश्न छ । यो मुलुकको सहकारीको ठग यदि जीबी राई हो भने तपाई १५ प्रतिशतको हिस्सेदार हो । तपाई पनि सहकारी ठग हो । तपाईले जीबी राईलाई कारबाही गर्ने कि नगर्ने ? तपाईलाई कारबाही गर्ने कि नगर्ने ? कांग्रेसले संसदीय छानविन समिति माग गरेको छ । त्यो छानविन समितिमा तपाईले छानविन गर्न सहयोग गर्ने कि नगर्ने ?’
अध्यक्ष गुरुङले गृहमन्त्री लामिछानेलाई आफूहरूले दोषी नभनेको बताउँदै सहकारी ठगीमा अनुसन्धान र छानविनमा सहयोग गर्न सुझाव दिए ।
यसैबीच, सहकारी ठगका आरोपी गृहमन्त्री लामिछानेविरुद्ध नेपाल तरुण दलले बुधबार काठमाडौंको माइतीघर मण्डलाबाट नयाँ बानेश्वरसम्म मध्यान्ह १२ बजे प्रदर्शन गर्न लागेको छ ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200&ssl=1)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200&ssl=1)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200&ssl=1)
फेसबुकबाट तपाईको प्रतिक्रिया