काठमाडौं । श्री एयरलाइन्सले ८० सिट क्षमता रहेको पुरानो (सेकेण्ड ह्याण्ड) जहाज नेपला ल्याएको छ ।

सेकेण्ड ह्याण्ड जहाज शुक्रबार राति काठमाडौंंमा ओर्लिएको छ । श्री एयरलाइन्सले क्यानाडाको तत्कालीन बम्बार्डियर (हाल डि हाभिलैण्ड अफ क्यानाडा) कम्पनीमा निर्मित क्यु ४०० ड्यास ८ विमान ल्याएको जनाएको छ ।

थप १ सेकेण्ड ह्याण्ड जहाज नेपाल ल्याएपछि श्री एयरलाइन्ससँग सातवटा ड्यास ८, सिआरजे २०० र सिआरजे ७०० गरी फिक्स विङ्स जहाजको संख्या ११ पुगेका छन् ।

श्री एयरलाइन्ससँग ८ वटा रोटर विङ्स (हेलिकप्टर) रहेका छन् । १९ जहाजसहित श्री एयरलाइन्स देशकै सबैभन्दा धेरै जहाज हुने कम्पनी बनेको दाबी गरेको छ ।

श्री एयरलाइन्सले शुक्रबार राति काठमाडौं ल्याएको क्यु ४०० ड्यास ८ जहाज यसअघि अमेरीकाको होराइजन एयर तथा अलास्का एयरले संचालन गरेको थियो ।

क्यानाडाको प्राट एण्ड व्हिएनी कम्पनीबाट निर्मित ५४०० साफ्ट हर्पपावरका पिडब्लूआइएसओए इन्जिन जडित भएको श्री एयरलाइन्सले जनाएको छ ।

स्व.बनवारीलाल मित्तलले ६३ वर्षको उमेरमा ०५५ सालमा हेलिप्कटरहरूबाट नेपालको अति दुर्गम तथा विकट, हिमाली क्षेत्रहरूमा खाद्यन्न ढुवानी, पर्यटकीय क्षेत्रमा आकस्मिक उद्धार तथा पर्यटकीय सामानहरू ढुवानी, निर्माण सामाग्री, जल विद्युतका र सडक आयोजनाका निर्माण गर्न विशेष प्रकारका मेशिनरी ढुवानी गर्न एयर अनन्या स्थापना गरेका थिए । पछि नाम परिवर्तन गरी श्री एयरलाईन्स राखिएको थियो ।