काठमाडौं । नेपाली कांग्रेसले तत्कालीन सभापति एवम् प्रधानमन्त्री सुशील कोइरालाको जन्म जयन्तीका अवसरमा उच्च सम्मान प्रकट गरेको छ ।

सोमबार वीपीनगर, ललितपुरमा बसेको केन्द्रीय कार्यसमितिले सुशील कोइरालालाई स्मरण गरेको हो ।

‘राष्ट्रियता, लोकतन्त्र र समाजवादप्रति अविचलित निष्ठा, सादा र सरल जीवनशैली तथा उच्च नैतिक र चारित्रिक बलद्वारा राष्ट्रिय राजनीतिमा शीर्षस्थ स्थान बनाउन सफल नेता नेपाली कांग्रेसका पूर्व पार्टी सभापति एवं पूर्व प्रधानमन्त्री स्व. सुशील कोइरालाको जन्म वि.सं. १९९६ श्रावण २८ गते भएको थियो’, कांग्रेसले भनेको छ ।

‘संक्रमणकालीन राजनीतिक परिस्थितिमा संविधानसभाबाट नेपालको संविधान जारी गर्ने शीर्षस्थ नेताको रूपमा उहाँले निर्वाह गर्नु भएको भूमिका अतुलनीय र अविस्मरणीय छ’, कांग्रेसले भनेको छ ।

‘आज उहाँको जन्म जयन्तीका अवसरमा कार्यसमितिको यो बैठक उहाँप्रति उच्च सम्मान साथ श्रद्धासुमन अर्पण गर्दछ’, कांग्रेसद्वारा जारी विज्ञप्तिमा उल्लेख छ ।