चीनबाट भित्रिएको दुई किलो सुनसहित कर्मा पक्राउ

कालिका । प्रहरीले रसुवा जिल्लामा दुई कलिो सुनसहित ३४ वर्षीय कर्मा सोनाम लामालाई पक्राउ गरेको छ ।

कालिका गाउँपालिका–१ ग्राङबाट सुनजस्तो देखिने धातु करिब २ किलोग्रामसहित गोसाईकुण्ड गाउँपालिका–३ ब्रिद्धिम बस्ने लामालाई बिहीबार बेलुकी प्रहरीले पक्राउ गरेको विज्ञप्तिमार्फत जनाएको छ ।

अस्थायी प्रहरी पोष्ट ग्राङबाट खटिएको प्रहरीले कालिकातर्फ जाँदै गरेको बागमती प्रदेश ०२–०४३ प २४३४ नम्बरको मोटरसाइकललाई जाँच गर्ने क्रममा मोटरसाइकलमा सवार लामाले लगाएको दुवै जुत्ताभित्र लुकाई छिपाई ल्याएको सुन फेला परेको थियो ।

रसुवा जिल्लाबाट पछिल्लो समय अबैध रुपमा सुन तस्बिर बढेको छ । बेलाबेला प्रहरीले मानिस र सुन बरामद गर्दै आएको छ । चीनबाट रसुवाको बाटो हुँदै सुन तस्करी भइरहेको छ ।