कुशे । नेकपा (माओवादी केन्द्र)ले जितेको वडामा नेपाली कांग्रेसका उम्मेदवार खुम्बबहादुर सिंह विजयी भएका छन् ।

जाजरकोटको कुशे गाउँपालिका वडा नं. ७ मा सिंह विजयी भएका हुन् । सिंह १५ मतको मतान्तरले विजयी भएका छन् ।

नेकपा (माओवादी केन्द्र)का गोरखबहादुर घर्तीलाई पराजित गर्दै सिंह विजयी भएका हुन् । कांग्रेस उम्मेदवार सिंहले ३ सय ४७ मत प्राप्त गरी विजयी भएका छन् ।

माओवादी केन्द्रका घर्तीले ३ सय ३२ मत प्राप्त गरेका छन् । १ हजार ३ सय २ मतदाता रहेको वडामा ९ सय ५६ मत खसेको छ ।

एमालेका गोरखबहादुर नेपालीले २ सय ५२ मत प्राप्त गरेका छन् । राष्ट्रिय प्रजातन्त्र पार्टीका लालबहादुर खत्रीले ७ मत प्राप्त गरेको जिल्ला निर्वाचन अधिकारी नवीनकुमार कठायतले बताए । १५ मत बदर भएको छ ।

यसअघि, कुशे गाउँपालिका वडा नं. ७ मा माओवादी केन्द्रले जितेको थियो । वडाध्यक्ष मुनबहादुर घर्तीको निधन भएपछि रिक्त रहेको वडाध्यक्ष पदमा उपनिर्वाचन भएको थियो ।